राजुरा :- गुप्त माहितीच्या आधारे स्थानिक गुन्हे शाखा चंद्रपूरच्या पथकाने बल्लारपूर तालुक्यातील कोठारी गावात एका किराणा दुकानाची झडती घेतली असता दुकानातून 12 हजार 275 रुपये किमतीचा फ्लेवरयुक्त तंबाखू जप्त करण्यात आले. सदर कारवाई 25 नोव्हेंबर रोजी रात्रि स्थानिक गुन्हे शाखेने केली. या प्रकरणाचा तपास कोठारी पोलिसांकडे सोपवण्यात आला आहे. मिळालेल्या माहितीनुसार, स्थानिक गुन्हे शाखेचे हवालदार प्रकाश बल्की, नितीन साळवे, सुभाष गोहोकर हे शासकीय वाहन ने गस्त घालत होते. यावेळी कोठारी गावातील एका किराणा दुकानात प्रतिबंधित तंबाखूचा साठा असल्याची माहिती मिळाली. त्या आधारे पोलिसांचे पथक दुकानात पोहोचले असता बालाजी लटारू वाढई (६०) किराणा दुकानात बसले होते. गणेश बालाजी वाढई यांच्याकडे चौकशी केली असता त्यांनी सांगितले की, गणेश हा त्यांचा मुलगा असून आज तो बाहेरगावी गेला आहे, त्यामुळे तो स्वतः दुकानात बसला आहे. तेथे येण्याचे कारण सांगून पोलीस पथकाने दुकानाची तपासणी केली असता एकूण १२ हजार २७५ रुपये किमतीचा सुगंधित तंबाखू जप्त करण्यात आला. या आधारे पोलिसांनी गणेश वाढई याच्याविरुद्ध कलम २७५, २७४, २२३ सह कलम ३० (२) (अ), २६ (२) (IV), ५९ अन्वये गुन्हा दाखल केला आहे. कोठारीचे सहायक पोलिस उपनिरीक्षक गणेश तोटेवार तपास करत आहेत.
